فیصل آباد۔ 26 مئی (اے پی پی):پاکستان ءَ ھوار سرجمیں دگنیا ءَ شیر ءِ ارزشت ءِ میاں اوستمانی روچ ءَ یکم جون ءَ برجم دارگ بیت۔ اےموہءَ برجم داشتگیں مراگش ءَ جان سلامتی ءُ ھاٹیگ والائیں شیر آنی ارزشت ءُ پائیدگ آنی سر ءَ چمشانک دیگ بیت۔ پاکستان ءَ ھوار سرجمیں دگنیا ءَ ھمک سال یکم جون ءَ شیر ءِ میاں اوستمانی روچ برجم دارگ بیت تانکہ بنی آدمد ءَ را جان سلامتی ءُ ھاٹیگ ءِ ارزشت ءُ پائیدگ آنی ھوالگ ءَ سرپدی دیگ بہ بیت۔ سال 2001 ءَ یونائیٹڈ نیشن وردن ءُ وراک ءُ کشت ءُ کشار ءَ شیر ءِ میاں اوستمانی روچ ءِ رد ءَ برجم دارگ ءِ پیسلہ کت ایشی ءِ مول ءُ مرارد لس مہلوک ءَ را شیر ءِ سیت ءُ ارزشت آنی بابت ءَ سرپدی دیگ انت۔
