لاہور۔26مئی (اے پی پی):صوبائی وزیر اقلیت رمیش سنگھ اروڑہ ءَ گوشتگ کہ سرگودھا ءَ استیں توہین مذہب ءِ بھتام ءِ بندوکیں مردم آناں کانود ءِ رد ءَ سزا دیگ بیت۔ یک شمبے ءِ روچ ءَ صوبائی وزیر ءَ نوٹس زرتگ ءُ ہوم سیکرٹری پنجاپ ءَ گوں رابطہ کتگ ایشی ءَ چہ پد ڈی پی او سرگودھا ڈاکٹر اسد اعجاز ملہی ءِ نگرانی ءَ سرجمیں ضلع ءَ چرچ آنی سیکورٹی ترند کتگ ءُ یک ہزار ءَ چہ گیش سیکورٹی کارندہ ڈیوٹی ءَ جتگ انت۔ آئیءَ گوشت کہ کسور وار آناں کانود ءِ رد ءَ سزا دیگ بیت پدا ھم انکوائری سرجم بوھگ ءَ تاں الس وت مہ وت یکوئی برجا بہ دار انت ءُ سیکورٹی ادارگ آناں وتی پرز آنی پیلو کنگ ءَ بل انت۔ آئی ءَ گوشت کہ کانود ءَ را لگت مال کنوکیں ناشرکار آناں کانود ءِ رد ءَ سزا دیگ بیت۔
