سرائے گمبیلہ ، کوہاٹ روڈ بروک آ تُو پورو مریک، مظفرآباد مانسہرہ موٹروے سعودی فنڈ انا کمک اٹ جوڑ کننگک، اعظم نذیر تارڑ

اسلام آباد۔ 24 مئی (اے پی پی) بنجائی وزیرکانود، انصاف وپارلیمانی امور اعظم نذیر تارڑ پارینے کہ خیبرپختونخواٹی سرائے گمبیلہ، کوہاٹ روڈ30 ارب روپئی نا خڑچ آن بروک آ تُو پورو مریک، مظفرآباد مانسہرہ موٹروے سعودی فنڈ انا کمک اٹ جوڑ کننگک۔ جمعہ نادے آ سینیٹ  نا دیوان اٹی وقفہ سوج آتیٹی سینیٹر ذیشان خانزادہ و ایلو باسک آتا سوج آتا ورندی ٹی بنجائی وزیر کانود وانصاف اعظم نذیر تارڑ ایوان  ءِ پارے کہ خیبرپختونخواٹی سرائے گمبیلہ ، کوہاٹ 128 کلومیٹر روڈ 30 ارب روپئی ناخڑچ آن بروک آ تُو پورو مریک ، کوہاٹ تون جنڈ روڈ ءِ موٹروےایم 14 اسلام آباد، ڈی آئی خان تون ملفنگ کن ڈیول کریج وے جوڑ کننگ انگ ءِ، 18.7 ارب روپئی نا خڑچ آن داہم ڈٹ بروک آ تُو پورو مریک، ہندا وڑ متکن آ بنوں روڈ ہم جوڑ مننگ ءِ و داڑآ خڑچ 17 ارب روپئی آن زیات ءِ و دا ڈٹ ستمبراٹی پورو مریک۔ اوپارے کہ پشاور ناردرن بائی پاس آ خڑچ 27 ارب روپئی ءِ، دا ڈٹ اٹی ڈغارنا دوئی کننگ نا بابت گڑاس ویل آک ءُ ، دااسہ اہم ءُ ڈٹ اسے گڑاس ہند آتیا داسہ ہم ویل آک اریر، اومیت ءِ کہ دسمبر اسکان اودے پورو کننگک۔ اوپارے کہ چکدرہ فتح پور سیکشن 7 ارب روپئی نا خڑچ آن پورو مسنے، پیزوکی ٹانک روڈ جون 2024 اٹی پورو مریک۔ اوپارے کہ خیبرپاس اکنامک کوریڈور آ کم و ود 460 ملین ڈالر خڑچ بریک، دااسہ انٹرنیشنل ٹریڈ کوریڈور اسے نا وڑاٹ استعمال مریک، دانا معاہد ہ مسنے، اونا ہم زوت بولی مریک۔ اوپارے کہ چکدرہ چترال این95 نا مسہ پیکج جوڑ کننگ انگ ءِ، کوریا نا ایگزیم بینک انا کمک اٹ 130 کلومیٹر ڈٹ مسہ ریسہ غاتیٹی پورو مریک، اولیکو فیز انا مالیاتی باندات طے مسنے۔ اوپارے کہ سیل اٹی علاقہ نا مخلوق ءِ ہن وبراٹی مشکلات مریک، مالاکنڈ ٹنل ڈٹ آ 23 ملین ڈالر خڑچ بریک، مظفرآباد آن مانسہرہ موٹروے سعودی فنڈ انا کمک اٹ جوڑکننگک۔