پاکستان سی پیک نا ارٹ میکو ریسہ ءِ اپ گریڈ کننگ کن چین نا وژن نا ستاءِ کیک، احسن اقبال

اسلام آباد۔ 24 مئی (اے پی پی) بنجائی وزیر ڈٹ بندی ، شونداری و خصوصی گام گیج احسن اقبال پارینے کہ پاکستان سی پیک نا ارٹ میکو ریسہ ءِ اپ گریڈ کننگ کن چین نا وژن نا ستاءِ کیک، سی پیک دا ڈیہہ اٹی چین نا بیلٹ اینڈ روڈ ڈٹ انا اہم ءُ بشخ اسے، تدوک آ 10 سال آتا سفر ننے پدریسہ کوشست آتا اہمیت و خدشہ غاتے فعال وڑاٹ ایسر کننگ نا لائخی ہیل تسنے۔ داخیال آتا درشانی ءِ او جمعہ نادے آ وزارت ڈٹ بندی ٹی چین پاکستان اقتصادی راہداری نا اسیجائی کمکار کمیٹی نا 13 می دیوان آن تران کرسا کرے۔ دیوان بنجائی وزیر ڈٹ بندی، شونداری و خصوصی گام گیج احسن اقبال و وائس چیئرمین نیشنل ڈویلپمنٹ اینڈ ریفارم کمیشن مسٹرلی چونلن نا اسیجائی کماشی ٹی 13 می جوائنٹ کوآپریشن کمیٹی (جے سی سی ) نا دیوان اڈ ہلک۔ دیوان اٹی بنجائی وزیر نجکاری علیم خان، وزیر مواصلات ، بنجائی وزیر انفارمیشن ٹیکنالوجی ، سیکرٹری پلاننگ اویس منظور سمرا، سیکرٹری توانائی، سیکرٹری مواصلات، سیکرٹری بورڈ آف انویسٹمنٹ و بنجائی و صوبائی وزارت آتا بڑزکوکمامدارآک بشخ ہلکر۔ چین نا کنڈآن دیوان نا کماشی ءِ وائس چیئرمین نیشنل ڈویلپمنٹ اینڈ ریفارم کمیشن کننگ ءِ۔ جے سی سی نا بشخ ہلوک آتے سی پیک نا پیش رفت آ تالان دستاویزی فلم اس نشان تننگا۔ دستاویزی فلم انا کمک اٹ سی پیک نا 10 سال پورو مننگ نا جشن ءِ اڈتننگا۔ دیوان اٹی سی پیک مریس مدتی ڈٹ، توانائی، مواصلات، گوادر ورکنگ گروپ، صنعتی، راجی و زرگزرانی، جہانی کمکاری و رابطہ، سائنس اینڈ ٹیکنالوجی  و انفارمیشن ٹیکنالوجی نا بابت ورکنگ گروپ آتیٹی مروک آ پیش رفت ءِ تالان کننگک، دیوان اٹی بشام اٹی دہشت گردی نا گواچی مروک آ چینی بندغ آتیکن اِرا منٹ اناچُپی اختیار کننگا۔