اسلام آباد۔ 24 مئی (اے پی پی) جہانی مالیاتی فنڈ(آئی ایم ایف) پارینے کہ آئی ایم ایف مشن و پاکستانی کمامدارآک جامع اقتصادی پالیسی و اصلاحاتی پروگرام آ اسٹاف لیول معاہدہ اسکان سرمننگ نا کنڈآ اہم پیش رفت کرینو۔ داہیت ءِ آئی ایم مشن نا دورہ ءِ پاکستان نا پوروی آ مشن چیف نتھن پورٹرنا کنڈآن جاری مروک آ بیان اٹی پاننگانے۔ آئی ایم ایف نا کمیونیکیشن ڈیپارٹمنٹ آن جاری …
پاکستان تون جامع اقتصادی پالیسی و اصلاحاتی پروگرام آ اسٹاف لیول معاہدہ اسکان سرمننگ نا کنڈآ اہم پیش رفت مسنے، آئی ایم ایف
اسلام آباد۔ 24 مئی (اے پی پی) جہانی مالیاتی فنڈ(آئی ایم ایف) پارینے کہ آئی ایم ایف مشن و پاکستانی کمامدارآک جامع اقتصادی پالیسی و اصلاحاتی پروگرام آ اسٹاف لیول معاہدہ اسکان سرمننگ نا کنڈآ اہم پیش رفت کرینو۔ داہیت ءِ آئی ایم مشن نا دورہ ءِ پاکستان نا پوروی آ مشن چیف نتھن پورٹرنا کنڈآن جاری مروک آ بیان اٹی پاننگانے۔ آئی ایم ایف نا کمیونیکیشن ڈیپارٹمنٹ آن جاری مروک آ بیان اٹی پاننگانے کہ پاکستانی کمامدارآتا درخواست آ جہانی مالیاتی فنڈ انا ٹیم 13 مئی آن ہلیس 23 مئی اسکان پاکستان نا دورہ ءِ کرے، ڈل انا کماشی ءِ نتھن پورٹرکرے۔ دادورہ نا بنداوی مسخت پاکستان نا تہہ نا اقتصادی پروگرام نا ڈٹ و دا ڈٹ آتیکن آئی ایم ایف نا ودکی فنڈ سہولت(ای ایف ایف) نا کمکاری آ گپ وتران کننگ ئس۔ بیان نا رداٹ 2023اٹی اسٹینڈ بائی معاہدہ نا سرسہب پوروی نا کمک اٹ دوئی مروک آ زرگزرانی سوگوی نا بنداو آ جہانی مالیاتی فنڈ و پاکستانی کمامدارآک جوان اقتصادی پالیسی و اصلاحات نا پروگرام آ اسٹاف لیول معاہدہ و ودکی فنڈ سہولت نا کمک اٹ کمکاری اسکان سرمننگ نا کنڈآ اہم پیش رفت کرینو۔
