سی ڈی اے نوٹس جاری کننگ آن پد انسدادِ تجاوزات نا کارروائی کرے، سینیٹر اعظم نذیر تارڑ

اسلام آباد۔ 24 مئی (اے پی پی) بنجائی وزیر کانود و انصاف سینیٹر اعظم نذیر تارڑ پارینے کہ سی ڈی اے تجاوزات نا چٹفنگ کن نوٹس جاری کریسس اوکان پد انسداد تجاوزات نا کارروائی ءِ کننگا۔ جمعہ نادے آ سینیٹ نا دیوان اٹی قائد حزب اختلاف نا کنڈآن چست کروک آ ٹک آتا ورندی ءِ ترسا بنجائی وزیر کانود و انصاف سینیٹر اعظم نذیرتارڑ پارے کہ تجاوزات آتا برخلاف آپریشن نا بابت چیئرمین سی ڈی اے تون ہیت مسنے، دا ویل چار سال آن چلینگاکہ، ہرافتے نوٹس ملاسس، او عدالت آ ہِننگ کریرہ۔ اوپارے کہ کانودی دائرہ اختیار اٹ رہینگسا ادارہ سے نا وتواجہی نا ہیت ءِ کننگ آئینی و کانودی حق ءِ، عدلیہ شرف نا قابل ءُ۔ اوپارےکہ پی ٹی آئی نا دور ءِ حکومت اٹ پاکستان پیپلزپارٹی و پاکستان مسلم لیگ (ن) نا راہشون تے فسطائی حکومت شست کرے۔