ملتان۔23مئی (اے پی پی): ادارکی صدر مملکت سید یوسف رضا گیلانی ءَ گوں ملتان ءَ پنچ شمبے ءِ روچ ءَ تاجر ءُ صنعت کار آنی ڈل ءَ گوں گند ءُنند کت۔ اے موہ ءَ سید یوسف رضا گیلانی ء َ گوشتگ کہ صدر آصف علی زرداری ءَ مدام چین ءَ ھوار دوستیں ملک آناں دلگوش کتگ آ پاکستان ءَ سرمایہ کاری کن انت۔ آئیءَ گوشت کہ سی پیک وڑیں گیم …
ادارکی صدر سید یوسف رضا گیلانی ءَ گوں ملتان ءَ تاجر ءُ صنعتکار آنی ڈل ءَ گوں تران
ملتان۔23مئی (اے پی پی): ادارکی صدر مملکت سید یوسف رضا گیلانی ءَ گوں ملتان ءَ پنچ شمبے ءِ روچ ءَ تاجر ءُ صنعت کار آنی ڈل ءَ گوں گند ءُنند کت۔ اے موہ ءَ سید یوسف رضا گیلانی ء َ گوشتگ کہ صدر آصف علی زرداری ءَ مدام چین ءَ ھوار دوستیں ملک آناں دلگوش کتگ آ پاکستان ءَ سرمایہ کاری کن انت۔ آئیءَ گوشت کہ سی پیک وڑیں گیم چینجر منصوبگ آنی بندات ءَ چہ صدر آصف علی زرداری ءِ کوشست لائک ءِ ستا انت۔ ادارکی صدر ءَ ملکی معیشت ءَ تاجر آنی کرد ءَ را ساڑات ءُ ا ایشاناں دل یکیمی کنائینت کہ آیوکیں بنجاھی بجٹ ءَ تاجر آنی جیڈھ آناں ڈلگچار کنگ مہ بیت۔ ادارکی صدر ءَ گوں گند ءُ نند کونیں تاجر آنی تہ ءَ صدر چیمبر آف کامرس ملتان راشد اقبال، رومانہ تنویر شیخ، انڈسٹریل اسٹیسٹ بورڈ آف مینجمنٹ ءِ ءِ صدر آصف مجید، چوہدری وحید ارشد، خواجہ جلال الدین رومی، خواجہ یونس ءُ ایندگر ھوار اتنت۔
