راولپنڈی۔23مئی (اے پی پی): مزن وزیر محمد شہباز شریف متحدہ عرب امارات ءِ یک روچی تر ءُ تاب ءِ ھاترا روادگ بوتگ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ نائب مزن وزیر وزیر ءِ درئی کار اسحاق ڈار، بنجاھی وزیر دیمپانی خواجہ آصف ، بنجاھی وزیر تجارت جام کمال خان، بنجاھی وزیر اھوالکاری ءُ شنگ کاری عطا …
مزن وزیر شہباز شریف متحدہ عرب امارات ءِ یک روچی تر ءُ تاب ءِ واستہ روادگ بوت
راولپنڈی۔23مئی (اے پی پی): مزن وزیر محمد شہباز شریف متحدہ عرب امارات ءِ یک روچی تر ءُ تاب ءِ ھاترا روادگ بوتگ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ نائب مزن وزیر وزیر ءِ درئی کار اسحاق ڈار، بنجاھی وزیر دیمپانی خواجہ آصف ، بنجاھی وزیر تجارت جام کمال خان، بنجاھی وزیر اھوالکاری ءُ شنگ کاری عطا اللہ تارڑ ءُ مزن وزیر ءِ ھاسیں کمکار طارق فاطمی ھم مزن وزیر ءِ ھمبراہ ات۔ مزن وزیر ءَ مزن وزی ءِ سیٹ ءِ گرگ ءَ چہ پد متحدہ عرب مارات ءِ ایش اولی تر ءُ تاب انت۔ ابوظہبی ءَ مزن وزیر محمد شہباز شریف ءُ صدر متحدہ عرب امارات محمد بن زاید النہیان ءِ نیام ءَ گند ءُ نند بوت۔ گند ءُ نند ءَ متحدہ عرب امارات ءُ پاکستان ءِ نیام ءَ کمک آناں گیش دیمروئیءِھوالگ ءَ تران کت۔ مزن وزیر وتی تر ءُ تاب ءِ ساھت ءَ انفارمیشن ٹیکنالوجی ءِ شوبگ ءَ گوں سیادی داروکیں پاکستانی ءُ متحدہ عرب امارات ءِکاروباری بامرد ءُ سرمایہ کار آنی گوما گند ءُ نند کت۔
