پی آئی اے نا جہاز 171 طالب علم آتے ہرفسا کرغزستان آن کراچی آ سرمس

کراچی۔ 23 مئی (اے پی پی) پی آئی اے نا جہاز 171 طالب علم آتے ہرفسا کرغزستان آن کراچی آ سرمس۔ ترجمان پی آئی اے نا رداٹ قومی ایئرلائن پی آئی اے نا کرغزستان آن پاکستانی طالب علم آتے حفاظت اٹ تینا وطن آ اتنگ نا چرجوئی برجاءِ، پنچ شنبے نادے آ پی آئی اے نا جہاز پی کے 6260آن 171 مسافر سہب انا ہشت بجہ ءُ 5 منٹ آ کراچی آ سرمسنو۔ اومستی پارے کہ پی آئی اے نا پنچ شنبے نادے پین اِرا جہاز بشکیک کن روانہ مریرہ، اولیکو جہاز پیشیم نا2 بجہ غا لاہور آن روانہ مریک، وخت اس کہ ایلو جہاز کوئٹہ غان نن نا 11 بجہ غا بال کیک۔ ترجمان پارے کہ پی آئی اے حکومت پاکستان نا پارت آتا رداٹ جہاز آپریٹ کننگ ءِ و تینا ہم وطن آتاخذمت کن دستہ اول نا وڑاٹ ہروخت تیار سلک۔