کریڈٹ کارڈ انا کمک اٹ خریداری ٹی اپریل اٹی نمان ودکی

اسلام آباد۔ 23 مئی (اے پی پی) کریڈٹ کارڈ انا کمک اٹ خریداری ٹی اپریل اٹی سالانہ بنداو تیا نمان ودکی ریکارڈ کننگانے۔ اسٹیٹ بینک انا کنڈآن جاری کروک حساب وکتاب نا رداٹ اپریل اٹی کریڈٹ کارڈ انا کمک اٹ صارف آک 116 ارب روپئی نا خریداری و ادائیگی کریر ہرا تدوک آسال اپریل  نا مقابلہ ٹی 30.7 درسد زیات ءُ۔ تدوک آ سال اپریل اٹی صار ف آک کریڈ ٹ کارڈ انا کمک اٹ 89 ارب روپئی ناخریداری کریر۔ مارچ انا مقابلہ ٹی اپریل اٹی کریڈ ٹ کارڈ انا کمک اٹ خریداری ٹی ماہانہ بنداوتیا 3.1 درسد نا نمو ریکارڈ کننگا۔ مارچ اٹی صارف آک کریڈٹ کارڈ انا کمک اٹ 112 ارب روپئی نا خریداری و ادائیگی کریر ہرا اپریل اٹی ودسا 116 ارب روپئی مسر۔ یات سلے کہ اپریل اٹی بینک آتا کنڈآن نجی بشخ ءِ تروک آ جم وام تا کچ 8381 ارب روپئی و نجی بشخ انا کاروبار ءِ تروک آ وام تا کچ 7243 ارب روپئی ریکارڈ کننگانے۔