اے این ایف نا انسداد منشیات آپریشن، 24 کلوگرام منشیات دوئی، 4 دوبہ دار دزگیر

راولپنڈی۔ 23 مئی (اے پی پی) اینٹی نارکوٹکس فورس منشیات اسمگلنگ نا برخلاف 5 کارروائی تیٹی 24 کلوگرام منشیات دوئی کرسا 4 دوبہ دار آتے دزگیرکرے۔ اے این ایف ہیڈکوارٹرراولپنڈی آن تدوک آ24 گھنٹہ ٹی کروک آ انسداد منشیات نا جاری رپورٹ اٹی پاننگانے کہ راولپنڈی ٹی کوریئر آفس اٹی انگلینڈ آن مون تروک پارسل آن 28 گرام ویڈ دوئی کننگا۔ سوات موٹر وےے ٹول پلازہ نوشہرہ نا خڑک دوبہ دار آن 12 کلوگرام افیم دوئی کننگا۔ جی ٹی روڈ اٹک نا خڑک دوبہ دار آن 12 کلوگرام چرس دوئی کننگا۔ کوئٹہ ٹی اِرا جتا کارروائی تیٹی اِرا دوبہ دار آتیان 126 نشئی ءُ گولی دوئی کننگا۔ ترجمان اے این ایف پارے کہ دزگیر دوبہ دار آتا برخلاف انسدادِ منشیات ایکٹ انارداٹ مقدمہ نوشتہ کرسا جاست وپاست نا بناءِ کننگانے۔