راناتنویر حسین نا پاکستان آن سوزوکی سوئفٹ و GS-150موٹرسائیکل نا برآمد نا بناآ مبارکباد

اسلام آباد۔ 23 مئی (اے پی پی) بنجائی وزیر صنعت وپیدوار رانا تنویرحسین پارینے کہ آٹو سیکٹر داسہ ملک اکن برآمدی ریونیوٹی نمان بشخ اس شاغے، حکومت پاک سوزوکی موٹرزنا کاروباری آپریشن و ودکی ٹی آسراتی فراوان کیک۔ وزارت صنعت و پیدوار آن جاری بیان نا رداٹ داخیال آتا درشانی ءِ او پاک سوزوکی موٹرزکارپوریشن نا جاپان آن بروک آ ڈل اتون گپ وتران کرسا کرے ہراپنچ شنبے نادے آ داڑے اوڑتون اوڑدہی کریر۔ جاپانی ڈل انا کماشی ءِ پاک سوزوکی موٹرز کارپوریشن نا جہانی نائب صدر کینیچی آیوکاواکریکہ۔ داوخت آ سیکرٹری صنعت و پیدوار وسیم اجمل چوہدری ہم ساڑی ئس۔ داوخت آ بنجائی وزیرپارے کہ پاکستان آن سوزوکی سوئفٹ و GS-150موٹرسائیکل نا برآمد نا بناء آ مبارکباد پیش مرے۔ آٹو سیکٹر ءِ تدوک آ مسہ دہائی آن آسودہی یافتہ نظام نا کمک اٹ آسراتی فراوان کننگا۔ آٹوسیکٹر داسہ ملک اکن برآمدی ریونیو ٹی نمان بشخ شاغے۔ اوپارے کہ حکومت الیکٹرک گاڈی تا ہندی مینوفیکچرنگ نا است بڈی ءِ کننگ ءِ۔ 43 کمپنی تے ہندی مینو فیکچرنگ الیکٹرک وہیکلز نا سرٹیفکیٹ جاری کرینے۔ کمپنیک پاکستان اٹ الیکٹرک گاڈی تا تیاری ٹی است خواہی ظاہر کننگ ءُ۔ حکومت پاک سوزوکی موٹرزنا کاروباری آپریشن و ودکی ٹی آسراتی فراوان کیک۔ داوخت آ نائب صدر پاک سوزوکی موٹرز کینیچی آیوکاواپارے کہ پاک سوزوکی موٹرز کارپوریشن کراچی ٹی بائیو گیس پلانٹ خلنگ خواہک۔ پاک سوزوکی بھاز زو پوسکن آ گاڈی تے مارکیٹ اٹی درستی راستی کرفک۔ اوپارے کہ پاک سوزوکی موٹرز کراچی ٹی بائیو گیس پلانٹ خلنگ نا ارادہ تخک۔