ترند ہیٹ ویونا چرجوئی بناکرینے، دانامسہ اسپیل ءِ بروئی ءِ، رومینہ خورشید عالم

اسلام آباد۔ 23 مئی (اے پی پی) وزیراعظم نا کوآرڈی نیٹر رومینہ خورشید عالم پارینے کہ پنجاب، سندھ و بلوچستان نا 26 ضلع ہیٹ ویو نا مون اٹی ءُ، ہیٹ ویو آن ننا فصل و گلیشیئرآتیا براہ راست اثرتمنگ ءِ، جولائی و اگست اٹی ہڑدے آن زیات پِر ودرجہ حرارت نا ودنگ نا گمان ءِ، جنگل آتیٹی سگریٹ ناکاریم اٹ اتنگ آن پاناد کننگے۔ او پنچ شنبے آ این ڈی ایم اے ٹی نیشنل ایمرجنسی آپریشن سینٹر اٹی پریس کانفرنس آن تران کریکہ۔ وزیراعظم نا کوآرڈی نیٹر رومینہ خورشید عالم پارے کہ اینو پگہ پاکستان اٹ ترندہیٹ ویو نا چرجوئی بناکرینے، اونااولیکو ہفتہ ءِ ، دانا مسہ اسپیل ءِ بروئی ءِ۔ اوپارے کہ پاکستان دا ملک آتیٹی پنچ میکو نمبرآٹی ءِ ہرا گلوبل وارمنگ نا گواچی ءُ۔ گلوبل وارمنگ اٹ  مشکل بننگ ءِ، الس فریشان ءِ، میڈیا و ریڈیو نا کمک اٹ آگاہی فراوان کننگ اُن کہ اگہ بھازالمی مف تو پیشن سفر کپس، چناک ہم اُراتیٹی مریر، ناجوڑ و است انا ناجوڑی ناگواچی مخلوق ہم اُراتیٹی مریر، اخس کہ احتیاط مننگ کیک کننگے۔ اوپارے کہ پنجاب نانہہ ضلع، سندھ انا 13 و بلوچستان نا4 ضلع ہیٹ ویو نا گواچی ءُ۔ بنجاغٹ صوبہ غاتون کوآرڈی نیشن اٹی ءِ، این ڈی ایم اے نا کمک اٹ ارلی وارمنگ جاری کننگ انگ ءِ، غٹ صوبہ غاتے وخت آ معلومدار کننگ اُن۔