وزیرداخلہ محسن نقوی پاسپورٹ آ برامی آ زالبول نا باوہ یا اَرے نا پن انا درج انا باندات آ کمیٹی اس جوڑ کرے

اسلام آباد۔ 23 مئی (اے پی پی) بنجائی وزیر داخلہ محسن نقوی پاسپورٹ آ برامی آ زالبول نا باوہ یا اَرے نا پن انا درج انا باندات نا نوٹس ہلسا بنجائی سیکرٹری داخلہ آغاخرم نا کماشی ٹی کمیٹی اس جوڑ کرینے۔ کمیٹی دا باندات نا قابل عمل ایسر ا س کشک۔ بنجائی وزیر داخلہ محسن نقوی میڈیا رپورٹ آتا نوٹس ءِ ہلسا پنچ شنبے آ کمیٹی اس جوڑ کرے۔ دا کمیٹی نا سروک بنجائی سیکرٹری داخلہ خرم علی آغا کمیٹی نا سروک مریک۔ وزیرداخلہ محسن نقوی پارے کہ کمیٹی غٹ ویل آتا جاچ ءِ ہلسا گچین ایسر نا بابت سلاہ پیش کے۔ برامی آ نیاڑی نا آسراتی و آسانی ءِ مون آ تخسا سلاہ و سوج تیار کننگے۔ پورو کوشست ءِ کہ دا ویل انا قاعدہ و ضابطہ نا رداٹ دمدستی ایسر اس کشنگے۔