روشن ڈیجیٹل اکاؤنٹس نا کمک اٹ سمندر پار پاکستانی تا زر راہی تس نا کچ 7.83 ارب ڈالر آن گدرینگا

اسلام آباد۔ 21 مئی (اے پی پی) روشن ڈیجیٹل اکاؤنٹس نا کمک اٹ سمندر پار پاکستانی تا زرراہی تس نا کچ 7.83 ارب ڈالر آن گدرینگانے۔ اسٹیٹ بینک انا کنڈآن دا بابت جاری کروک حساب وکتاب نا رداٹ اپریل 2024نا ایسر اسکان روشن ڈیجیٹل اکاؤنٹس  نا کمک اٹ سمندر پار پاکستانی تا جم زرراہی تس نا کچ 7.831 ارب ڈالر ریکارڈ کننگا۔ اپریل نا تُواٹی آرڈی اے نا کمک اٹ زرراہی تس نا کچ 171 ملین ڈالر ریکارڈ کننگا۔ اسٹیٹ بینک انا رداٹ روشن ڈیجیٹل اکاؤنٹس نا کمک اٹ سمندرپار پاکستانیک ملک اٹی جم وڑاٹ 837 ملین ڈالر نا زرکاری کرینو ۔ سمندر پارپاکستانیک پوسکن آ پاکستان روایتی سرٹیفکیٹ آتیٹی 317ملین ڈالر، پوسکن آپاکستان اسلامی سرٹیفکیٹ آتیٹی 523 ملین ڈالر و پاکستان اسٹاک ایکسچینج اٹی 33 ملین ڈالر نا زرکاری کرے۔