اقوام متحدہ۔ 21 مئی (اے پی پی) پاکستان اقوام متحدہ نا صدر دفتر اٹی گوتم بدھ نا یات اٹی اڈ ہلوک دود اٹی گوتم بدھ نا امن ، ہمدردی و عدم تشدد نا کلہو آتیا زور شاغسااونا میرات آتے تالان کرینے۔ اقوام متحدہ ٹی پاکستان نا آخبتی مندوب منیراکرم بدھ مت نا بانی گوتم بدھ نا پن اٹ تہوار یوم ویساک نا وخت آ نیویارک اٹی اقوام متحدہ نا ہیڈکوارٹرزاٹی اڈ ہلوک دود آن تران کرسا مچ آ دنیا ٹی گوتم بدھ نا زند و تعلیمات نا بے مٹ اثرآتے تالان کرے۔ دادود تھائی لینڈ و سری لنکا نا اقوام متحدہ نا آخبتی مشن اسیجائی وڑٹ سپانسرکریر۔ پاکستان نا مندوب مدوبین آتے پارےکہ ننا ڈیہہ بدھ مت نا تہذیب نا پبی میرات تخک۔ پاکستان اٹ وادی سندھ اناتہذیب2000سال تیان بدھ مت ءِ جوان خنا و ٹیکسلا، سوات و تخت بائی ٹی بدھ مت نا یونیورسٹیک ئسر۔

متعلقہ مضامینمصنف کی طرف سے مزید