نائب وزیراعظم اسحاق ڈار و تاجکستان نا وزیرخارجہ سراج الدین نا اوڑدہی، کاسا۔ 1000، ایلو رابطہ کاری ڈٹ آتیا زوت عملدرآمد نا بارواٹی گپ وتران

آستانہ۔ 21 مئی (اے پی پی) پاکستان و تاجکستان ہڑتوم آملک آک و گیشتر ڈیہہ انا تین پہ تینی فائدہ و علاقائی ہم آہنگی کن کاسا۔ 1000و رابطہ کاری نا ایلو ڈٹ آتیا زوت عملدرآمد کن زور شاغانو۔ نائب وزیراعظم و وزیرخارجہ اسحاق ڈار و تاجکستان نا وزیرخارجہ سراج الدین مہردین نا نیام اٹ 20آن21 مئی اسکان مروک آ شنگھائی کمکار تنظیم نا وزراء خارجہ کونسل نا دیوان نا وخت آ اوڑدہی ٹی ہڑتوم آ کنڈآتا تعلقداری و ڈٹ آتیا گپ وتران کننگا۔ ہڑتوم آوزیرخارجہ غاک ہڑتوم آ کنڈآتا کمکاری و بڑزکو کہول انا مذاکرات ءِ پین سوگوی تننگ نا عزم انا درشانی ءِ کریر۔