بنجائی وزیر داخلہ محسن نقوی نا چلاس بس شکست اٹی نہادی انسانی جون تا زیان آ است ہسونی نا درشان

اسلام آباد۔ 03 مئی (اے پی پی) بنجائی وزیر داخلہ محسن نقوی شاہراہ قراقرم آ چلاس نا خڑک بس اسے نا تمنگ آن نہادی انسانی جون تا زیان آ ڈکھیائی و است ہسونی نا درشانی ءِ کرے۔ تینا ہڑزخواہی بیان اٹی وزیرداخلہ زوال کروک آ بندغ آتا خاہوت آتون ہمدردی و ہڑزخواہی نا درشانی ءِ کرینے۔ بنجائی وزیر داخلہ محسن نقوی ٹھپی تا زوت دراخ جوڑی کن دعاکرے۔ وزیرداخلہ نا پاننگ ئس کہ شکست اٹی جونی نسخان  تیا بھاز است ہسونی مس۔ ننا ہمدردی زوال کروک آ بندغ آتا خاہوت آتون ءُ۔ ڈکھیائی نا ساہت اٹی پدسلوک خاہوت آتا غم اٹی بریبر نا شریک اُن۔ اللہ تعالیٰ زوال کروک آ بندغ آتا خاہوت آتے صبر و جمیل عطاکے۔ دعاءِ کہ ٹھپی بندغ آک زوت دراخ جوڑ مریر۔