اسلام آباد۔ 03 مئی (اے پی پی) چیئرمین سینیٹ سید یوسف رضاگیلانی متحدہ عرب امارات نا صدر شیخ محمد بن زایدالنہیان نا اِلہ شیخ طہنون بن محمد النہیان نا کزیت آ ڈکھیائی و است ہسونی نا درشانی ءِ کرے۔ چیئرمین سینیٹ متحدہ عرب امارات نا صدر و النہیان نا خاہوت تون دلی ہمدردی نا درشانی ءِ کرے و دعاکرے کہ اللہ تعالیٰ ایماندار ءِ جنت الفردوس اٹی بڑزکو ہند اس عطاکے۔ چیئرمین سینیٹ پارے کہ ڈکھیائی نا داساہت اٹی پاکستان نا الس و پارلیمان، غمزدہ خاہوت نا ڈکھیائی ٹی بریبر نا شریک ءُ۔ چیئرمین سینیٹ پارے کہ سینیٹ وپاکستان نا الس اسہ شرف نا قابل راہشون شیخ طہنون بن محمد النہیان نا کزیت آغمزدہ ءُ و غم انا داساہت اٹی ننا دعاک اونا خاہوت و یواے ای نا الس تون ءُ۔ ڈپٹی چیئرمین سینیٹ سیدال خان ہم شیخ طہنون بن محمد النہیان نا کزیت آ ہڑزخواہی نا درشانی ءِ کرینے۔ تینا ہڑزخواہی کلہو اٹی اوایماندار نا بخشش و درجہ غاتا بڑزی کن دعاہم کرے۔

متعلقہ مضامینمصنف کی طرف سے مزید