اسلام آباد۔ 03 مئی (اے پی پی) اسپیکر قومی اسمبلی سردار ایاز صادق راولپنڈی آن ہنزہ غا ہنوک آ مسافر بس ءِ چلاس اٹی پیش بروک آ شکست اٹی مروک آ نہادی جونی نسخان تیا ڈکھیائی و است ہسونی نا درشانی ءِ کرے۔ جمعہ نادے آ قومی اسمبلی سیکرٹریٹ آن جاری بیان نا رداٹ اسپیکر سردار ایاز صادق زہمی خاہوت آتون ہڑزخواہی و یکجہتی نا درشانی ءِ کرینے۔ اوپارے کہ شکست اٹی بھلو کچ اسے ٹی مرک آتا خبرءِ بنسا است رنجیدہ ءِ۔ مسافر بس شکست اٹی زوال کروک آ بندغ آتا خاہوت نا غم و ڈکھیائی ٹی بریبر نا شریک اُٹ۔ اسپیکر قومی اسمبلی تعلقدار کمامدارآتے ٹھپی تے دمدستی طبی آسراتی فراوان کننگ نا پارت کرے وٹھپی تا زوت دراخ جوڑی کن دعاہم کرے۔ اواللہ تعالیٰ غان دعاکرے کہ ایماندار تا درجہ غاتا بڑزی و پدسلوک آ خاہوت آتے دا بے بدل نسخان ءِ سگنگ کن صبر وجمیل عطاکے۔
