بنجول۔ 03 مئی (اے پی پی) نائب وزیراعظم و وزیرخارجہ سینیٹر محمد اسحاق ڈار گیمبیانا شار بنجول اٹی اڈہلوک اسلامی سروکی دیوان کن وزراء خارجہ نا تیاری نا دیوان اٹی بشخ ہلک۔ جمعہ نا دے آ دفترخارجہ نا رداٹ داسال انا سروکی دیوان نا سرحال’’پائیدار شونداری کن گپ وتران نا کمک اٹ سیوت و یکجہتی ءِ ودفنگ‘‘ ءِ۔ دیوان اٹی پاکستان ءِ امنائی وڑاٹ اوآئی سی نا 15 می اسلامی سروکی دیوان کن بیوروآف وزراء خارجہ نا تیاری نا دیوان نانائب صدر گچین کننگا۔ نائب وزیراعظم و وزیرخارجہ داوخت آ تران کرسا گیمبیا نا وزیرخارجہ ممداؤ تنگاراءِ سیشن و 15 می اسلامی سروکی دیوان نا کماشی ءِ سنبھالنگ آ مبارکبادی تس و سعودی عرب نا دز کش مروک آ سروک نا کڑد انا ستاءِ کرے۔ نائب وزیراعظم و وزیرخارجہ غزہ نا الس نا برخلاف اسرائیلی جنگ انا سوب آن تدوک آ کیہی تُوآن غزہ نا الس نا برجانسل کشی و غذائی کاختی آ پاکستان نا گڑتی نا درشانی ءِ کرے۔ تیاری نا دیوان اٹی اوآئی سی نا وزیرخارجہ غاک سینئر آفیشلزمیٹنگ(ایس اوایم) نا رپورٹ نا منظوری و چندی دستاویز آتے گڈیکو دروشم اس تسر ہرافتے ٹی فلسطین نا ویل، اوآئی سی سروکی کانفرنس نا گڈیکو اعلامیہ و بنجول اعلامیہ اوار ءُ۔
