اسلام آباد۔ 03 مئی (اے پی پی) متحدہ عرب امارات اٹی جہاز آتیکن موسم سازگار مسنے ہراڑتون قومی ایئرلائن پی آئی اے ہڑدے نا رداٹ جہاز آتا بناءِ کرینے، موسمی حالیت آتا سوب منسوخ کروک آ جہاز آتا مسافر ایئرلائن تون رابطہ کننگ کیرہ۔ پی آئی اے نا ترجمان عبداللہ حفیظ خان پارینے کہ متحدہ عرب امارات نا ہندی ہوابازی نا انتطامیہ نا کنڈآن فضائی آپریشن بحال کننگانے۔ ترجمان پارے کہ قومی ایئرلائن پی آئی اے نا جہاز ہڑدے نا رداٹ چلینگ انگ ءُ۔ منسوخ مروک جہاز آتا مسافر آتے اولیتی بنداوتیا بروک آجہازآتیا ایڈجسٹ کننگ انگ ءِ وخت اس کہ مسافر آتا آسانی کن پین جہاز آتا ڈٹ بندی ءِ ہم کننگ انگ ءِ۔ ترجمان پارے کہ منسوخ مروک جہاز آتا مسافر آتیان خواست ءِ کہ او تینا جہاز آتا معلومداری کن پی آئی اے نا کال سینٹر111786786تون رابطہ ٹی مریر۔
