کوئٹہ۔ 03مئی (اے پی پی) پاکستان مسلم لیگ (ن) زالبول ونگ انا صوبائی راہشون فاطمہ خان پارینے کہ مسلم لیگ (ن) نا حکومت الس نا شونداری و شونہالی و اوفتا ویل آتے ایسر کننگ کن غٹ دوئی وسیلہ غاتے کاریم اٹ اتنگ ءِ  الس نا راجی آسودہی و علاقہ نا شونداری کن گام گیج آتا بھرم زوت مون آ بریک، پاکستان اسہ وار ولدا زرگزرانی وڑاٹ شونہال مریک و الس نا زند آتیٹی ہم آسودہی بریک۔ داہیت ءِ او جمعہ نادے آ تینا ہنکین آ اوڑدہی کروک آ زالبول آتا اسہ ڈل اسے تون گپ وتران کرساپارے۔ فاطمہ خان پارینے کہ تاریخ گواہ ءِ کہ ہراتم ہم مسلم لیگ (ن) اقتدار اٹی بس ملک و شونداری  و شونہالی نا کنڈآ ہنا و الس نا ویل آک ایسر مسر ہمووخت مُر اف ہراتم پاکستان اسہ وار ولدا زرگزرانی وڑاٹ شونہا ل مریک ہراڑآن الس نا زند آتیٹی ہم گچینی بریک۔ اوپارےکہ لس گچین کاری تیٹی بلوچستان اٹی الس مسلم لیگ (ن) نا اومیتدار آتیا پت انا درشانی ءِ کرسا اوفتے وونٹ ترسا سرسہب کریر داسہ انشاء اللہ صوبائی صدر شیخ جعفر خان مندوخیل نا کماشی ٹی مخلوط حکومت اٹ رہینگسا الس نا ویل آتے ایسر واوفتے بنداوی آسراتی تا فراوانی ءِ پک کیک و الس مسلم لیگ (ن) ہرا پت انا درشانی ءِ کرے اوڑآ انشاء اللہ پورو سلک۔

متعلقہ مضامینمصنف کی طرف سے مزید