بلوچستان یونین آف جرنلسٹس نا ترندی اٹ مذمت

کوئٹہ۔ 03 مئی (اے پی پی) بلوچستان نا علاقہ خضدار اٹی بمب دھماکہ ، مسہ بندغ زوال وخت اس کہ 8 بندغ ٹھپی مسنو، پولیس نا رداٹ جمعہ نادے آ خضدار نا قومی شاہراہ غا سلطان ابراہیم خان روڈ آریموٹ کنٹرول دھماکہ اٹ اسہ گاڈی اسے شست کننگا ہراٹی خضدار پریس کلب نا صدر محمد صدیق مینگل و 2 بندغ زوال و خت اس کہ 8 آن زیات ٹھپی مسنو۔ پولیس ءِ حوال ملنگ تون واقعہ نا جاگہ غا سرمرسا لاش و ٹھپی تے ہندی ہسپتال آ گدریفیر ہراڑے ٹھپی تے طبی امداد تننگ برجاءِ۔ یات سلے کہ محمد صدیق مینگل تینا اُراغا یونیورسٹی آ ہناکہ کہ اونا گاڈی ءِ شست کننگا۔ محمد صدیق مینگل خضدار پریس کلب نا صدر و ہندی اخباراسے تون وابستہ ئس۔ داکان بیدس بلوچستان یونین آف جرنلسٹس خضدار پریس کلب نا صدر و سینئر صحافی محمد صدیق مینگل نا بمب دھماکہ ٹی شہیدی نا ترند انگا لوز آتیٹی مذمت ءِ کرسا اوار دوبہ دار آتے دمدستی دزگیرکننگ نا خواست کرینے۔

متعلقہ مضامینمصنف کی طرف سے مزید