اسلام آباد۔ 17 اپریل (اے پی پی) جہانی مالیاتی فنڈ پارینے کہ پاکستان اٹی افراط زر انا کچ اٹی کمتی نا پیشن گوئی ءِ، ملک اٹی مالیاتی سوگوی و توانائی و ایس اوایز اٹی اصلاحات نا عمل آ پاکستان تون رابطہ غاتے برجاتخک۔ عالمگیر مالیاتی سوگوی رپورٹ 2024 نا جاری کننگ نا وخت آ پریس حوال اٹی آئی ایم ایف نا کمیونیکیشن ڈیپارٹمنٹ نا سروک میر الوئس پارے کہ پاکستان اٹی افراط زر انا مون ءِ توننگ کن تدوک آ مسہ سال آن زری پالیسی ءِ سخت تخنگانے۔ پاکستان اٹ افراط زر نا کچ اٹی کمتی نا پیشنگوئی ءِ ولے دا بابت مستی کاریم کننگ نا گرج ءِ۔ طلب نا رداٹ اگہ مالیاتی سوگوی ءِ برجاتخنگ المی ءِ تو رسدنا بابت توانائی و ریاستی ملکیتی ادارہ غاتیٹی اصلاحات نا عمل ءِ برجاتخنگ ہم اہم ءِ، آئی ایم ایف نا عملہ دا امور تیا پاکستان تون رابطہ غاتے برجاتخک۔ اوپارے کہ پاکستان کون آ ویل و مشکل آتون مون تروک کیہی سیمی زرگزران تے مون تروک ءِ۔ آئی ایم ایف نا مالیاتی سلاہکار و ڈائریکٹر مانیٹری اینڈ کیپٹل مارکیٹ ڈیپارٹمنٹ تو بیاس ایڈریان پارے کہ پاکستان داوخت آ جہانی مالیاتی فنڈ انا پروگرام اٹی ءِ۔ اوپارے کہ پاکستان اٹی مالیاتی بشخ اتون اوار آجو زرگزران نا بابت چیلنج ساڑی ءِ۔ اوپارے کہ ایڈجسٹمنٹ گام گیج آتا نتیجہ غاتیٹی وخت لگک۔
