واشنگٹن۔ 17 اپریل (اے پی پی) بنجائی وزیر خزانہ و محصولات محمد اورنگزیب پارینے کہ شون ہلوک ملک آتے موسمیاتی بدلی تا چیلنج آتا مقابلہ ءِ کننگ کن پاکستان تون اوار پدتموک ملک آتے ودکی مالی کمک، ٹیکنالوجی نا گدریفنگ، و کاریم نا کچ اٹی گچینی نا تینا قول آتیا بایدے عملدرآمد کیر، پاکستان نا حکومت نجی بشخ انا زرکاری و پبلک پرائیویٹ پارٹنر شپ نا لائخی و کچ آن فائدہ ہرفنگ کن مالیات نا پوسکن آ ماڈل آتا است بڈی ءِ کننگ ءِ، جہانی بینک و ایشیائی شونداری بینک ملک انا راجی و اقتصادی شونداری ٹی اہم کڑد ادا کننگ ءُ۔ داخیال آتا درشانی ءِ او تدوک آ دے واشنگٹن ڈی سی ٹی آئی ایم ایف و جہانی بینک انا سالانہ دیوان نا وخت آ وی 20 وزارتی ڈائیلاگ آن تینا تران، جہانی بینک و ایشیائی شونداری بینک انا صدر و ایلو اہم شخصیت آتون اوڑدہی تیٹی گپ وتران اٹی کرے۔ وزیرخزانہ پارے کہ پاکستان موسمیاتی بدلی تیان زہمی ملک آتیٹی اوار ءِ، 2022 نا نوکاپ آن پاکستان اٹی 33 ملین بندغ زہمی مسر و ملک انا جم قومی پیدوار ءِ کم و ود 15.2 ارب ڈالر نا نسخان رسینگا۔ وزیرخزانہ پارے کہ شون ہلوک ملک آتے موسمیاتی بدلی ناچیلنج آتا مقابلہ ءِ کننگ کن پاکستان تون اوار پدتموک ملک آتے ودکی مالی کمک، ٹیکنالوجی نا گدریفنگ، و کاریم نا کچ اٹی گچینی نا تینا قول آتیا بایدے عملدرآمد کیر۔ وزیرخزانہ کوپ27 اٹی نسخان تا بابت فنڈ انا جوڑ کننگ اٹ پاکستان نا کوشست آتے تالان کرے و پارے کہ موسمیاتی ہلہلہ ئی حالیت آتون مون تننگ کن اختراعی مالیاتی ایسری وخت انا گرج ءِ۔ وزیرخزانہ ترکیہ نا وزیر خزانہ مہمت سمسیک تون اوڑدہی کرے۔ وزیرخزانہ ترکیہ و پاکستان نانیام اٹ تاریخی، سیاسی، دفاعی و تعلیمی بشخ آتیٹی جوڑ تعلقداری تے مون آتخا۔
