اسلام آباد۔ 16 اپریل (اے پی پی) وزیر مملکت انفارمیشن ٹیکنالوجی و ٹیلی کمیونیکیشن شزہ فاطمہ خواجہ پارینے کہ ساڑی حکومت ملک اٹی زرکاری کن کوشست کننگ ءِ، پاکستان نا آئی ٹی و ٹیلی کام سیکٹر اٹی زرکاری نا گیشتر وارخواہی ساڑی ءِ۔ سے شنبے نادے آ وزارت انفارمیشن ٹیکنالوجی و ٹیلی کمیونیکیشن آن جاری بیان نا رداٹ وزیر مملکت شزہ فاطمہ خواجہ تون سی ای او تاون پرائیویٹ لمیٹڈ محمد شہباز خان و سی ای او وطین عدیل راشد اونا دفتراٹی اوڑدہی کریر ہراٹی ڈیجیٹلائزیشن و ٹیلی کام سیکٹر اٹی زرکاری نا بابت گپ وتران مس۔ وزیر مملکت شزہ فاطمہ خواجہ پارے کہ وزیراعظم نا ویژن نا رداٹ ملک اٹی زرکاری نا مون آ دننگ کن کوشست کننگ ءِ، پاکستان نا آئی ٹی و ٹیلی کام سیکٹراٹی زرکاری نا بھاز زیات وارخواہی ارے۔ اوپارے کہ ساڑی حکومت پرائیویٹ سیکٹر ءِ پورو سپورٹ فراوان کیک۔ ورناک ننا ملک انا میرات ءُ، یوتھ انا شونداری کن سنبرینگوک اُن۔ شزہ فاطمہ پارےکہ متحدہ عرب امارات نا شیخ نہیان بن مبارک النہیان نا پاکستان نا ٹیلی کام سیکٹر اٹی پین زرکاری کننگ نا است خواہی نا ستاءِ کینہ۔ سی ای او تاون محمد شہباز خان پارے کہ او فائبر انفراسٹرکچر اٹی پین زرکاری نا خواہندار ءِ ۔
