اسلام آباد۔ 16 اپریل (اے پی پی) پاکستانی حاجی تا حج مبارک اٹی اڈکننگ و جوان وڑاٹ مناسک حج انا اداکننگ کن مچ آملک اٹی ہیلکاری عمل بناکرے ہرا آخیریکو حج جہاز اسکان برجاسلک، غٹ پاکستانی حاجی تیکن حج مقدس آ روانگی نا وخت آ ہیلکاری سرٹیفکیٹ ءِ نشان تننگ المی مریک۔ اے پی پی تون خصوصی گپ وتران کرسا وزارت مذہبی امور نا ترجمان نا پاننگ ئس کہ پاکستانی حاجی تیکن سعودی کانود آن آگاہی بھاز المی ءِ تانکہ او حج انا فرض انا ادائیگی کن حج مقدس اٹی سعودی کانود نا رداٹ تینا اڈکننگ ءِ پک کننگ کیر۔ اوپارے کہ حج اسہ اہم ءُ مذہبی فرض اسے۔ مناسک حج اناادائیگی قرآن و سنت نا رغاموک آتارداٹ بھاز اہمیت تخک، ہنداسوب آن غٹ حاجی تے مرے کہ او تینا تینا تعلقدار ضلع غاتیٹی حج ہیلکاری ہند آتیٹی تینا شیڈول نا رداٹ رجوع کیر و پورو یکسوئی و سنجیدگی اٹ تربیت ہلیر تانکہ اوفتے سعودی عرب اٹی اڈکننگ و مناسک حج انا اداکننگ اٹ ہچ وڑنا مشکل مون تروک مف۔
