لاہور۔ 16 اپریل (اے پی پی) وزیراعلیٰ پنجاب نا کنڈآن گلوکار غلام عباس نا درمان کن 10 لکھ مالی امداد نا پڑو۔ ترجمان نا رداٹ پنی آ گلوکار غلام عباس نا ناجوڑی نا سوب آن وزیراعلیٰ پنجاب مریم نواز شریف نا پارت آ صوبائی وزیر جان جوڑی خواجہ عمران نذیر گلوکار نا اُراغا سرمس۔ خواجہ عمران نذیر گلوکار غلام عباس نا اُراغا ہنسا 10 لکھ روپئی نا چیک اس پیش کرے۔ داوخت آ گلوکار غلام عباس وزیراعلیٰ مریم نواز شریف نا منت واری ءِ ہرفے۔ وزیراعلیٰ مریم نواز شریف گلوکار غلام عباس کن زوت دراخ جوڑی کن دعاکرے وخت اس کہ صوبائی وزیر خواجہ عمران نذیر وزیراعلیٰ مریم نواز شریف نا کنڈآن نیک است خواہی تا کلہو ءِ ہم سرکرے۔ وزیراعلیٰ پنجاب مریم نواز شریف پارے کہ گلوکار غلام عباس پاکستان نا دودوربیدہ ئی میرات ءِ پنجاب حکومت گلوکار غلام عباس نا درمان کن پبی کمک کیک۔
