اسلام آباد۔ 16 اپریل (اے پی پی) سعودی عرب اٹی کاریم کروک آ پاکستانی تا زرراہی تس اٹی برجامالی سال نا اولیکو 9 تُو اٹی سالانہ بنداوتیا 2درسد نا نمو ریکارڈ کننگانے۔ سٹیٹ بینک انا کنڈآن دابابت جاری کروک حساب وکتاب نا رداٹ جولائی 2023 آن ہلیس مارچ 2024 اسکان نا مد اٹی سعودی عرب اٹی کاریم کروک آ پاکستانیک 5.084 ارب ڈالر نا زرمبادلہ ملک آ گدریفیر ہرا تدوک آ مالی سال انا ہند امد انا مقابلہ ٹی 2 درسد زیات ءُ، تدوک آمالی سال انا ہندا مد اٹی سعودی عرب اٹی کاریم کروک آ پاکستانی تا زرراہی تس انا کچ 5.003 ارب ڈالر ریکارڈ کننگاسس۔ مارچ اٹی سعودی عرب آن زرراہی تس نا کچ 703 ملین ڈالر ریکارڈ کننگا ہرا تدوک آ سال مارچ انا مقابلہ ٹی 24 درسد زیات ءُ، تدوک آ سال مارچ اٹی سعودی عرب اٹی کاریم کروک آ پاکستانیک 568 ملین ڈالر نا زرمبادلہ ملک آ گدریفیسر۔ فروری نا مقابلہ ٹی مارچ اٹی سعودی عرب آن زرراہی تس اٹی ماہانہ بنداو تیا 30 درسد نا نمو ریکارڈ کننگا، فروری ٹی سعودی عرب اٹی کاریم کروک آ پاکستانیک 540 ملین ڈالر نا زرمبادلہ مون تسوسر، ہرا مارچ اٹی ودسا 703 ملین ڈالر مسر۔ یات سلے کہ برجامالی سال انا اولیکو 9 تُواٹی سمندر پار پاکستانی تا جم زرراہی تس نا کچ 21.037 ارب ڈالر ریکارڈ کننگانے۔
