کوئٹہ۔ 16 اپریل (اے پی پی) ڈائریکٹر جنرل اسپورٹس بلوچستان آصف لانگو پارینے کہ ورناک گوازی تا وارخواہی تا فراوانی و ملازم آتا ویل آتا ایسری کن غٹ دوئی وسیلہ غاتے کاریم اٹ اتنگک۔ داہیت ءِ او سے شنبے نادے آ محکمہ گوازی نا ملازم آتا ویل و اوفتا ایسر و بروک آ ایونٹ آتا بابت ڈی جی گوازی آفس اٹی اسہ بڑزکو کہولی دیوان اسے آن تران کرساپارے۔ دیوان اٹی اسسٹنٹ ڈائریکٹر محمد آصف فاروقی، پی ایس ٹوڈی جی اسپورٹس عبداللہ بلوچ، آفس اسسٹنٹ خرم شہزاد ، سوئمنگ کوچ ولایت حسین، سپروائزر ثناء اللہ مبشر و ایلوفک ساڑی ئسر ، دیوان اٹی ملازم آتا ویل و اوفتا ایسری نا بابت گپ وتران مس محکمانہ ترقی و حاضری نا بابت ہم گپ وتران مس۔ ڈائریکٹر جنرل گوازی آصف لانگو پارے کہ محکمہ گوازی ننا اُرا ءِ ننے اونا شونداری و راجی آسودہی و اودے جوڑ کننگ کن اواری اٹ کاریم کروئی مریک نن اسہ خاہوت اسے اُن اسہ ایلو نا کمکار مرینہ و محکمہ نا شونداری کن دے ونن کاریم کینہ، اوپارے کہ سیکرٹری گوازی و امور نوجوانان بلوچستان ڈاکٹر جاوید انور شاہوانی نا وژن ءِ مون آ درسا چلینگ انگ اُن۔ اوملازم آتا غیرحاضری نا نوٹس ءِ ہلکوسس۔و غٹ ملازم آتے حاضر و تینا ڈیوٹی ءِ جوان وڑاٹ سرتننگ نا ہرا پارت آتے کریسس اونا رداٹ کاریم کرین و ملازم آتا حاضری ءِ پک کرین ہندن ءُ گام گیج کننگ اُن ہراڑآن ایوب اسپورٹس کمپلیکس نا رونق آتیٹی ودکی مرے و اودے الس کن گچین تفریح و گوازی تا بابت گیچن آسراتی تا گڑھ جوڑ کننگ مرے۔
