کوئٹہ۔ 16 اپریل (اے پی پی)پاکستان مسلم لیگ (ن) نا صوبائی راہشون سجاد تنولی پارینے کہ مسلم لیگ (ن) ملک ءِ مون تروک تنکی تیان کشنگ کن ہرممکن گام گیج کننگ اٹی ءِ، پاکستان نا شونہالی نا برخلاف برسر پیکار واکدار آتے بے سہبی آن بیدس ہچ اس رسینگپک ، مسلم لیگ  (ن) نا سرکڑدہ غاتیا تنقید کروک آک اول تینا زنچک اٹ ہلیر اریر ہرافک تینا دور ءِ حکومت اٹ ملک ءِ بھسکاری نا دنگ آ ایسر سرکریر۔ داڑے جاری مروک اسہ بیان اسے ٹی سجاد تنولی پارے کہ مسلم لیگ (ن) نا سرکڑدہ تینا سیاست ءِ گہیوتخسا ملک ءِ ڈیفالٹ مننگ آن بچفیر و انشاء اللہ داسہ مسلم لیگ (ن) نا قائد میاں محمد نواز شریف و وزیراعظم پاکستان میاں محمد نواز شریف نا کماشی ٹی ملک ءِ شونداری و شونہالی نا کنڈآ دینہ۔ اوپارے کہ ساڑی بنجائی حکومت ملک ءِ تنکی تیان کشنگ کن عملی گام گیج کننگ اٹی ءِ، ہرانا بھرمک زوت الس نا مون آ بریرہ۔ اوپارے کہ مسلم لیگ (ن) الس تون ہراہم قول ءِ کرینے اوفتے پورو کرینے داسہ ہم انشاء اللہ مسلم لیگ (ن) الس ءِ مایوس کپک۔ اوپارے کہ گڑاس سازشی زموار پدریسہ ملک انا برخلاف سازش آتیٹی لگوک ءُ  اوفتے تینا ناپاک مسخت آتیٹی ہچ ءُ حالیت اسے ٹی سرسہبی ملیپک مسلم لیگ (ن) نا کارندہ غاک الس تون اواری اٹ ملک دشمن زموار آتا ناپاک عزم آتے مش تا کیرہ۔

متعلقہ مضامینمصنف کی طرف سے مزید