اسلام آباد۔ 15 اپریل (اے پی پی) اسپیکر قومی اسمبلی سردار ایاز صادق بلوچستان، رحیم یارخان تون اوار ملک انا چندی علاقہ غاتیٹی گروک نا تمنگ و پِر تاسوب آن مروک آ جونی و مالی نسخان تیاڈکھیائی و است ہسونی نا درشانی ءِ کرینے۔ دوشنبے نادے آ قومی اسمبلی آن جاری بیان نا رداٹ اوغٹ زہمی خاہوت آتون ہڑزخواہی ویکجہتی نا درشانی ءِ کرسا پارے کہ او زہمی تا غم اٹی بریبرنا شریک ءِ۔ اوٹھپی تا زوت دراخ جوڑی کن دعاکرے و پارت کرے کہ ریسکیو و ریلیف آن تعلقدار ادارہ غاک تینا کارروائی تیٹی ترندی اتیر۔ اسپیکر پارے کہ الس ریلیف نا ادارہ غاتون کمک کےو کمکی کارروائی تیٹی اوفتا دُوتے سبک کے۔ اوپارے کہ قدرتی آفت آک اسہ جہانی ءُ ویل اسے ءُ ہرافتے تون مون تننگ کن اسیجائی کوشست آتا گرج ءِ۔ پاکستان ءِ چاگڑدی بدلی کون آ بھلا چیلنج مون تروک ءِ۔ اسیجائی کوشست آتیان چاگڑدی بدلی تا منفی اثرآتے کم کننگ مریک۔ اوغٹ ایماندار تاروح انا ثواب کن ہم دعاکرے۔
