کوئٹہ۔ 15 اپریل (اے پی پی) ترجمان حکومت بلوچستان شاید رند پارینے کہ بلوچستان اٹی پِر تیان زہمی علاقہ غاتیٹی رین ا ینڈ اربن فلڈ ایمرجنسی نافذ کرسا غٹ آفیسر و عملہ نا چھٹی تے منسوخ کننگانے۔ داخیال آتا درشانی ءِ او تینا بیان اٹی کرے۔ اوپارے کہ پِرتیان زہمی ضلع غاتیٹی 15 و 16 اپریل آ سرکاری و نجی اسکول آک بند مریرہ۔ پِرتا حالیت آتیا وزیراعلیٰ بلوچستان سرفرازبگٹی نا کماشی ٹی صوبہ نا ڈویژنل کمشنرز و پی ڈی ایم اے کمامدارآتا آن لائن دیوان اس اڈہلک۔ دیوان اٹی پرنسپل سیکرٹری عمران زرکون و ڈی جی پی ڈی ایم اے نا صوبہ نا جم پِرتا حالیت آتیا حوال تننگا۔ داوخت آ وزیراعلیٰ بلوچستان سرفرازبگٹی نکاسی آب مفننگ نا السی غاوتیاترندی نا درشانی ءِ کرے۔ وزیراعلیٰ بلوچستان سرفرازبگٹی پارے کہ غٹ فیلڈ آفیسر آتے ہراوسیلہ و سپورٹ درکار ءِ او اوفتے فراوان کننگک۔ وزیراعلیٰ بلوچستان غٹ فیلڈ آفیسر آتے پارت کرے کہ او دِیر کشوک آ نالہ غاتیا ساڑی تجاوزات آتے چٹفر۔
