کوئٹہ۔ 15 اپریل (اے پی پی) پاکستان مسلم لیگ (ن) نا مرکزی سینئر راہشون چوہدری نعیم کریم پاکستان مسلم لیگ (ن) نا نظریاتی کارندہ سیدال خان ناصر ءِ ڈپٹی چیئرمین سینیٹ گچین مننگ آ مبارکبادی ترسا پارینے کہ سیدال خان نا گچین مننگ پاکستان مسلم لیگ (ن) بلوچستان نا ورکرآتا سرسہبی ءِ اومیت کینہ کہ ڈپٹی چیئرمین سینیٹ تینا متکن آ نظریاتی سنگت آتون اوار کاہک و مچ آ صوبہ بلوچستان نا خاص کر کارندہ غاتا ویل آتے ایسر کننگ کن اولیتی بنداوتیا گام گیج کیک۔ داہیت ءِ او ڈپٹی چیئرمین سینیٹ سیدال خان ناصر ءِ گچین مننگ آمبارکبادی تننگ نا وخت آ سنگت آتون ہیت کرساپارے۔ چوہدری نعیم کریم پارے کہ سیدال خان ناصر اونا ہمو متکن آ نظریاتی سنگت آتیان ءِ ہراہرمشکل وخت اٹی غٹ تر زور و منفی پروپیگنڈا غاتیان پد ہم پاکستان مسلم لیگ (ن) نا قائد میاں محمد نواز شریف سیدال خان ناصر ءِ ڈپٹی چیئرمین سینیٹ جوڑ کرسا مسلم لیگ (ن) بلوچستان نا کارندہ غاتا است ءِ کٹانے سیدال خان ناصر نا سرسہبی اصل اٹ مسلم لیگ (ن) نا ورکرو نظریاتی سنگت آتا سرسہبی ءِ نن اومیت کینہ کہ سیدال خان ناصر پاکستان مسلم لیگ (ن) نا ورکرآتا ویل آتے ایسر کننگ کن تینا اہم کڑد ءِ ادا کیک ۔ اوسیدال خان ناصر ءِ است انا حب اٹ مبارکبادی ترسا اوڑکن نیک است خواہی نا درشانی ءِ کرے۔
