حب۔ 15 اپریل (اے پی پی) ایڈیشنل ڈپٹی کمشنر جنرل لسبیلہ سید یاسین اختر پارینے کہ لسبیلہ پرنسز آف ہوپ نا ہند آ گوادر ٹو کراچی کرکی شاہراہ ءِ ٹریفک کن بحال کننگا۔ اے پی پی نیوز حب اتون گپ وتران کرسا اوپارے کہ تدوک آ نن نوکاپی دیر و بھلا پِر تیان گوادر کرکی شاہراہ نا مواصلاتی رابطہ مچ آملک آن کشنگاسس۔ لسبیلہ ڈسٹرکٹ ایڈمنسٹریشن نا وخت آ کوشست و گام گیج و این ایچ اے کمامدارآتون رابطہ غاتا سوب گیگ بدل کسر ءِ بحال کننگانے۔ لسبیلہ ڈسٹرکٹ ایڈمنسٹریشن ہروڑنا ہلہلہ ئی حالیت آتون مون تننگ کن ہروخت الرٹ ءِ۔ تعلقدار غٹ محکمہ و مشینری تے الرٹ تخنگانے ضلع لسبیلہ نا کیبی ایریہ غاتیٹی برجاپِر تا حالیت آتے مانیٹر کننگ انگ ءِ۔ ایڈیشنل ڈپٹی کمشنر جنرل لسبیلہ سید یاسین اختر مستی پارے کہ لسبیلہ پِرتا رداٹ ضلعی انتظامیہ لسبیلہ تون اوار غٹ محکمہ غاتے ہائی الرٹ کننگانے۔ لسبیلہ ٹی تینٹ پدریسہ حالیت آتا جاچ ءِ ہلنگ اٹی اُٹ۔ الس آن خواست ءِ کہ ہروڑنا ایمرجنسی نا حالیت آتیٹی کنٹرول روم نا ٹیل فون نمبر 0853610251آ حوال ایتر۔ ضلع لسبیلہ موسمی حالیت آتے مون آ تخسا گوادر ٹو کراچی روٹ آ مسافر آک بے گرج سفرآن پاناد کیر، ضلع لسبیلہ محکمہ موسمیات بھلا پِر تا پیشن گوئی ءِ کرینے۔ لسبیلہ نا کیبی ٹی برجاپِر تیان جل تیٹی نوکاپی حالیت ودی مننگ نا خطرہ ءِ الس ہروڑنا جونی مالی نسخان تیان بچنگ کن خیال تخر۔
