کوئٹہ۔ 15 اپریل (اے پی پی) انسپکٹر جنرل بلوچستان عبدالخالق شیخ پارینے کہ الس ناجان و مال انا رکھ اٹی دہشت گرد آتا سم کاری آن ٹھپی مروک آ غازی کارندہ غاک ننا نہادی میرات ءُ ہرافتا گچین ویلفیئر ، درمان و زوت آن زوت بحالی کن غٹ دوئی وسیلہ غاتے کاریم اٹ اتنگ انگ ءِ، فیلڈاٹی فرض سرتروک آآفیسر و کارندہ غاک فرنٹ لائن سولجر آک ءُ، ہرافتے ہچ ءُ حالیت اسے ٹی تنیا اِلنگ مفک۔ داخیال آتا درشانی ءِ او سی ایم ایچ اٹی زیر علاج ٹھپی ہیڈ کانسٹیبل احمد خان و کانسٹیبل سرفراز احمد نا جان پڑسی ناوخت آکرے۔ ہڑتوم آ کانسٹیبل قلات اٹی ڈیوٹی ٹی دہشت گرد آتا سم کاری آن ٹھپی مسوسر۔ آئی جی پولیس بلوچستان زیر علاج اے ٹی ایف کارندہ غاتا جان پڑسی ءِ کرے و اوفتا زوت دراخ جوڑی کن دعاکرے۔ اوطبی چاہندار آتیان کارندہ غاتا درمان ناسرجم آتے معلوم کرے و اوفتے گچین آسراتی فراوان کننگ نا پارت کرے۔
