اسلام آباد۔13اپریل (اے پی پی): مزن وزیر محمد شہباز شریف ءَ سیکورٹی فورسز آنی نیمگ ءَ نونیر ءَ ناشرکار آنی ھلاپ ءَ کامیات آپریشن ءَ را ساڑاتگ ءُ گوشتگ کہ سرجمیں راج ناشرکاری ءِ ھلاپ ءَ جنگ ءَ پاکستان ءِ ارد آنی گوما ھمکوپگ ءَ اوشتاتگ۔ ناشرکار آناں عبرت ءِ نشان جوڑ کناں آوانی ھلاسی ءَ تاں جنگ ءَ را جاڑی دارگ بیت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ سیکورٹی فورسز ءِ نیمگ ءَ نونیر ءَ ناشرکاری ءِ ھلاپ ءَ کامیاتیں آپریشن ءِ پد ءَ ایشی ءِ سہرائی کت ءُ گوشت کہ بونیر ءَ پاک فوج ءِ دلیریں ورنی مزن جگری ءَ چہ ملک ءِ دژمن آناں جہندم ءَ روان داتگ۔ من ءَ ھوار سرجمٰں راج وطن ءِ دلیریں بامرد آناں توسیپ ءُ ستا پیش کنت انت۔
