اسلام آباد۔13اپریل  (اے پی پی): مزن  وزیر   محمد  شہباز شریف  ءَ گوں  مسلم  ورلڈ  لیگ   ءِ سیکرٹری  جنرل  شیخ    ڈاکٹر محمد    بن عبدالکریم  العیسی  ءَ مزن وزیر   کارگس  اسلام آباد ءَ    گند ءُ   نند کت۔ مزن وزیر محمد  شہباز شریف  ءَ شیخ  ڈاکٹر محمد بن عبدالکریم  العیسی  ءَ را  وش اتک  گوشت    ءُ  کسانیں ائید   ءِ موہ ءَ پاکستان ءَ آیگ ءِ   پد ءَ    آئی ءِ  شگر ءُ منت واری  گپت۔  مزن وزیر کارگس   ءِ  پریس ونگ ءِ  نیمگ  ءَ جاڑی بوتگیں بیان ءِ رد ءَ   مزن وزیر محمد  شہباز شریف  ءَ سرجمیں دگنیا ءَ اسلام  ءِ   گواچنی   پجار ءَ  دیمروئی  دیگ ءِ واستہ مسلم  ورلڈ  لیگ  ءِ سیکرٹری  جنر شیخ  ڈاکٹر محمد   عبدالکریم   اعیسی  ءِ   جوانیں  ازمت  آناں ساڑات۔    آئی ءَ مسلمان آنی نیام ءَ یکوئی    ءَ را دیمروئی دیگ،  سرجمیں دگنیا  ءِ   مسلمان آنی   مول ءُ مراد آنی وکالت   کنگ  ءُ ایمنی    یکوئی ءُ  نیک راھ آنی  وت مہ وتی یکوئی    ءِ کلوہ ءَ  شنگ   کنگ ءَ مسلم ورلڈ   لیگ  ءِ ارزشتی ایں کرد  ءِ توسیپ   ھم   کت۔  مزن وزیر    محمد شہباز شریف  ءَ شاہ سلمان  بن عبدالعزیز  ءُ ولی  شہزادہ محمد  بن  سلمان    عبدالعزیز   ءِ جان سلامتی ءُ   مزن   امبری   ءِ واستہ نکیں واھگ ءُ واھشت آنی درشان  کت۔

متعلقہ مضامینمصنف کی طرف سے مزید