برسلز۔ 12 اپریل (اے پی پی) بیلجیئم، لکسمبرگ و یورپی یونین اٹی پاکستان نا سفیر آمنہ بلوچ بیلجیئم و لکسمبرگ اٹی پاکستانی برادری ءِ چنکاعئید انا مبارکبادی تسنے۔ راجی رابطہ نا پلیٹ فارم ‘‘ایکس’’ آ تینا پوسٹ اٹی پاکستانی سفیر پارے کہ چنکا عئید انا خوشی نا وخت آ او و پاکستانی سفارت خانہ نا کمامدارآک بیلجیئم و لکسمبرگ اٹی پاکستانی کمیونٹی ءِ است انا حب اٹ مبارکبادی پیش کیرہ۔ اوپارے کہ داوخت آ تینا کشمیری و فلسطینی ایڑھ ایلم تے یات تخبو و دعاکبو کہ اللہ تعالیٰ دادنیا و ننا وطن نا امن نا وت اس جوڑ کے۔
