لاڑکانہ۔ 12 اپریل (اے پی پی) پاکستان پیپلزپارٹی نا چیئرمین بلاول بھٹو زرداری چنکا عئید انا خوشی نا وخت آ پاکستانی قوم اتون اوار مچ آ امت مسلمہ ءِ مبارکبادی ترسا پارینے کہ چنکا عئید ایلمی، رواداری، امن و بقائے تین پہ تینی نا نشانی ءِ۔ داخیال آتا درشانی ءِ او چنکا عئید انا وخت آ قوم انا پن تینا تہنیتی کلہو اٹی کرینے۔ اوپارے کہ عئید انا برکت و خوشی راج انا نزور و نادار تپہ غاتا خیال ءِ تخنگ آن بیدس دوئی مفک، ملک ءِ مون تروک حالیت آتیٹی ننے اسہ ایلو ءِ اختلاف آتیان پد ہم سینہ ٹی خلوئیءِ، خار، تعصب، فرقہ پرستی و دہشت گردی اسلامی رغاموک آتیان چپ ءِ۔ بلاول بھٹو زرداری پارے کہ اینو نا دے وطن عزیز نا خاطر جون تے ندر کروک آ ورناتے ہم خراج عقیدت پیش کیوہ، وطن آ جون ءِ ندر کروک آتا خاہوت آتون ہم اسہ وار ولدا یکجہتی نا درشانی ءِ کیوہ، مقبوضہ کشمیر و غزہ نا مظلوم مسلمان تیکن تینا پبی مخ تفی ءِ برجاتخنہ۔ اوپارے کہ مچ آ امت مسلمہ عئید انا وخت آ کشمیر و غزہ نا تینا مظلوم ایلم و ایڑھ تا آجوئی کن دعا کننگ ءُ۔
