لاہور۔ 12 اپریل (اے پی پی) بنجائی وزیر حوالکاری و شینکاری عطاء اللہ تارڑ پارینے کہ ملک انا زرگزرانی حالیت آتیٹی مثبت بدلی بننگ ءِ، وزیراعظم نا ساڑی آ دورہ ءِ سعودی عرب اٹی سعودی ولی عہد 5 ارب ڈالر نا زرکاری نا پڑو کرے اوکان پد ملک انا سٹاک مارکیٹ اٹی نمان ترندی بس، پاکستان وسیلہ غاتیان شپ ءُ ملک اسے ، ننے وام آخا واپار درکار ءِ۔ چارشنبے …
ملک انا زرگزرانی حالیت آتیٹی مثبت بدلی بننگ ءِ، بنجائی وزیر حوالکاری عطاء اللہ تارڑ نا دود آن تران
لاہور۔ 12 اپریل (اے پی پی) بنجائی وزیر حوالکاری و شینکاری عطاء اللہ تارڑ پارینے کہ ملک انا زرگزرانی حالیت آتیٹی مثبت بدلی بننگ ءِ، وزیراعظم نا ساڑی آ دورہ ءِ سعودی عرب اٹی سعودی ولی عہد 5 ارب ڈالر نا زرکاری نا پڑو کرے اوکان پد ملک انا سٹاک مارکیٹ اٹی نمان ترندی بس، پاکستان وسیلہ غاتیان شپ ءُ ملک اسے ، ننے وام آخا واپار درکار ءِ۔ چارشنبے نادے آ تینا حلقہ ٹی اڈ ہلوک دود آن تران کرسا بنجائی وزیر حوالکاری پارے کہ اودے بنجائی کابینہ ٹی کم وئی وزیر جوڑ مننگ نا اعزاز دوئی ءِ۔ اوپارے کہ سوغند ہرفنگ آن پد وزیراعظم تون اوار اولیکو درملکی دورہ ءِ سعودی عرب اٹی اوعمرہ کرے، اللہ تعالیٰ خانہ کعبہ نا تہہ ٹی نفل خواننگ نا سعادت عطاکرے۔ مسجد نبوی صلی اللہ علیہ وآلہ وسلم اٹی ترابیح و ریاض الجنہ ٹی نفل خواننگ نا موقع ملا۔ بنجائی وزیر حوالکاری پارے کہ خانہ کعبہ ٹی ملکی شونداری، الس نا شونہالی و تینا حلقہ نا شونداری و شونہالی کن خاص دعا خوائسٹ۔ اوپارے کہ حلقہ نا الس نا ہڑدے ئی باندات آتیا خاص چکار کننگ انگ ءِ ، نظام نا گچینی کن کوشست آتے برجاتخنہ۔
