اسلام آباد۔11اپریل (اے پی پی):مزن وزیر محمد شہباز شریف ءَ پاک فوج، پولیس ءُ سیکورٹی ادارگ آنی کارندہ آناں کسانیں ائید ءِ موہ ءَ ملک ءَ ایمنی ءَ را دل یکیمی جوڑ کنگ ءِ پد ءَ توسیپ ءُ ستا پیش کنان ءَ گوشتگ کہ آواں ملک ءَ ایمنی برجا دارگ ءِ واستہ بے کساس قربانی داتگ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ء، رد ءَ مزن ویر ءَ پاک فوج ءِ اپسرگ ءُ ورنا ، چاریں صوبگ آنی آئی جیز، سیکورٹی ادارگ آنی سروک ءُ انتظامیہ ءِ اپسرگ آنی گامگیج آناں ساڑات۔ مزن وزیر ءَ گوشتگ کہ ملک ءَ ایمنی ءِ برجائی ءِ واستہ پاک فوج ءُ سیکورٹی ادارگ آنی اپسرگ ءُ کارندہ آنی بے کساس قربانی است انت۔ ائید ءِ وشیں موہ ءَ وتی وتی دوست ءُ مردم آں چہ دور وتی ملک ءِ سیم سر ءُ سرڈگار ءِ پھریزگ ءِ ھاترا وتی پرز آں پیلو کنگ ءَ انت ، پاکستان ءِ فوج، پولیس، سیکورٹی ادارگ ءُ انتظامیہ ءِ اپسرگ ءُ کارندہ من ءَ ھوار سرجمیں رج سلام پیش کنت۔
