بیجنگ۔ 10اپریل (اے پی پی) چین نا دارالحکومت بیجنگ اٹی پاکستانی سفارت خانہ چارشنبے نادے آ داڑے چنکا عئید انا خوشی نا وخت ءِ اڈتننگ کن اسہ شاندار عئید میلہ سے نا بست وبند کرے۔ دود اٹی پاکستانی خاہوت، چنا، طالب علم، سفارت خانہ نا کمامدار و چینی سنگت آتا بھلو کچ اس بشخ ہلکر۔ پاکستانی سفارت خانہ نا کنڈآن عئید میلہ خوشی، یکجہتی و برادری نا جوزہ ءِ تالان کریسس۔ دا ساڑی مروک آتے یکجا مننگ و پاکستانی خصوصیت آتون عئید ءِ اڈتننگ نا اسہ پلیٹ فارم اس ہم فراوان کرے۔ داخوشی نا وخت آ چین اٹی پاکستان نا سفیر خلیل ہاشمی چین اٹی پاکستانی کمیونٹی نا باسک آتے عئید انا مبارکبادی تس۔ دود انا جھلکی تیٹی روایتی پاکستانی کن و خور، ہنین و چناتیکن چندی سرجزآک اوار ئسر۔
