اسلام آباد۔ 10 اپریل (اے پی پی) بنجائی وزیر سمندر پار پاکستانیز و شونداری انسانی وسیلہ چودھری سالک حسین غٹ اہل وطن و امت مسلمہ ءِ چنکا عئید انا مبارکبادی تسنے۔ چنکا عئید انا وخت آ تینا خصوصی کلہو اٹی چوہدری سالک حسین پارے کہ عئید انا خوشی نا لمحہ غاک اللہ تعالیٰ نا کبریائی و شکرگزاری تون عبارت ءُ، چنکا عئید روچہ غاتا انعام و اللہ تعالیٰ نا بارگاہ غان حق خذمت وصول کننگ نا دے ءِ۔ بنجائی وزیر پارے کہ چنکا عئید آ نادار و محتاج بندغ آتے خوشی تیٹی اوار کننگ ءِ است آن دپن۔ اوپارے کہ سمندر پار رہینگوک آ پاکستانیک ننا نہادی میرات ءُ، سمندر پار پاکستانی تا ویل آتے اولیتی بنداو تیا ایسر کینہ۔
