اسلام آباد۔ 10 اپریل (اے پی پی) بنجا ئی وزیر داخلہ محسن نقوی چنکا عئید انا خوشی نا وخت آ امت مسلمہ و پاکستانی تے عئید انا مبارکبادی ترسا پارینے کہ اللہ تعالیٰ نا شکر ءِ کہ ننے روچہ مبارک نا فیاض و برکت آتیان فائدہ ہرفنگ نا موقع نصیب مس۔ چنکا عئیدروچہ مبارک نا بابت یوم تکمیل، رحمت الٰہی و یوم تشکر ءِ۔ کم وسیلہ تپہ غاتے تینا خوشی تیٹی شریک کننگ حقی عئید ءِ۔ چارشنبے نادے آ تینا بیان اٹی وزیرداخلہ محسن نقوی پارے کہ عئید آ پاک وطن نا امن و رکھ اکن تینا جون تے ندر کروک آ شہید آتے سلام پیش کینہ۔ وطن نا شہید آتیا گمر کینہ و مدام ننا است آتیٹی زندہ سلرہ۔ شہید آتا خاہوت ءِ ہم عئید آ یات تخنگ ننا قومی زمواری ءِ۔ اوپارے کہ مبارک دے آ پاکستان نا سلامتی و امن کن خصوصی دعا کیوہ، عئید انا وخت آ الس نا سیکورٹی ، رکھ و آسودہی ننا زمواری ءِ، اللہ تعالیٰ آن دعاکینہ کہ مقبوضہ کشمیر و فلسطین نا مظلوم مسلمان تے ظلم و جور آن نجات عطاکے۔
