اسلام آباد۔ 10اپریل (اے پی پی) وزیراعظم محمد شہباز شریف بحرین نا فرماں روا عزت مآب حماد بن عیسیٰ الخلیفہ ءِ ٹیل فون کرے۔ وزیراعظم اودے و بحرین نا الس ءِ چنکا عئید انا مبارکبادی پیش کرے۔ وزیراعظم آفس نا پریس ونگ انا رداٹ ہڑتوم آ راہشونک پاکستان و بحرین نا نیام اٹ ایلمی تعلقداری نا سوگوی آ است جمی نا درشانی ءِ کریر و چندی بشخ آتیٹی ہڑتوم آ کنڈآتا تین پہ تینی کمکاری نا مون آ دننگ نا عزم انا درشانی ءِ کریر۔ وزیراعظم ہڑتوم آ کنڈآتا واپار و زرکاری نا مون آ دننگ کن بحرین ءِ پاکستان اٹی زرکاری نا وارخواہی تا بارواٹی معلومدارکرے۔ وزیراعظم بحرین نا بادشاہ نا 2014 ٹی پاکستان نا دورہ نا ذکر ءِ کرسا اودے دُوارہ پاکستان نا دورہ ءِ کننگ نا سلہ خلک۔

متعلقہ مضامینمصنف کی طرف سے مزید