اسلام آباد۔9اپریل (اے پی پی): مزن وزیر محمد شہبا ز شریف ءَ گوشتگ کہ دگنیا ءِ اچ راج وانگ ءُ زانگ ءَ ابید دیمروئی ءُ وشھالی ءِ منزل آں در جت نہ کنت تاں وھدیکہ کروڑانی زھگ آنی واستہ وانگ ءُ زانگ ءِ بندوبست کنگ مہ بیت ھما وھد ءَ تاں قائداعظم ءِ پاکستان ءِ سسا سرجم بوت نہ کنت۔ دانش اسکول ءِ کار رپک اسلام آباد، آزات جموں کشمیر ، گلگت بلتستان ءُ ایندگر صوبگ آں تاں شنگ ءُ تالان کنگ بوھگ ءَ انت۔ اے ھیالانی درشان آءی ءَ سئے شمبے ءَ ادا دانش سکول سائیٹ ءِ چار ءُ تپاسی مراگش ءَ گوں گشتانک دیان ءَ کت۔ مراگش ءَ بنجاھی وزیر وانگ ءُ زانگ، وائس چانسلر ، ٹیچر، سیکرٹری وانگ ءُ زانگ، جتا جتائیں ادارگ آنی سروک ل ءُ زندمان ءِ جتا جتائیں شوبگ آں گوں سیادی داروکیں مردم آں بھر زوری کت۔ مزن وزیر ءَ وتی گشتانک ءَ گوشت کہ پیسریگیں مزن وزیر نواز شریف ءِ سروکی ءَ راج زھگ آناں وانگ ءُ زانگ ءِ آسراتی دیگ ءِ واسےتہ پنجاپ ءَ ھرچی کوشست بوتگ ایشی ءِ کار رپک آنی سیم سر آناں گیش ٹوھ تر بکناں۔
