اسلام آباد۔ 09ا پریل (اے پی پی) وزیراعظم محمد شہباز شریف خضدار و کچلاک اٹی دھماکہ غاتا ترند ی اٹ مذمت ءِکرسا پارینے کہ داوڑنا لغور آ کارروائیک دہشت گردی نا برخلاف ننا عزم ءِ بدل کننگ کپسہ۔ سے شنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم جلہو آتیٹی نہادی جون تا زیان آ است ہسونی نا درشانی ءِ کرینے۔ وزیراعظم دھماکہ غاتیٹی شہید مروک آتا درجہ غاتا بڑزی کن دعا و خاہوت تون ہمدردی و ہڑزخواہی نا درشانی ءِ کرینے۔وزیراعظم ٹھپی تا زوت دراخ جوڑی کن دعا و ااوفتے ہرممکن طبی امداد فراوان کننگ نا پارت کرے۔ وزیراعظم پارے کہ داوڑنا لغور کارروائیک دہشت گردی نا برخلاف ننا عزمءِ متزلزل کننگ کپسہ۔
