اسلام آباد۔ 09اپریل (اے پی پی) وزیراعظم محمد شہباز شریف سید یوسف رضاگیلانی ءِ چیئرمین سینیٹ و سیدال خان ناصر ءِ ڈپٹی چیئرمین سینیٹ گچین مننگ آ مبارکبادی تسنے و اوفتے کن نیک است خواہی نا درشانی ءِ کرسا اومیت ظاہر کرینےکہ او السی راجی آسودہی و ملکی شونداری و شونہالی کن گچین کانود سازی ٹی پبی کڑد ادا کیرہ۔ سے شنبے نادے آ وزیراعظم آفس نا میڈیا ونگ انا رداٹ وزیراعظم پوسکن گچین مروک چیئرمین سینیٹ و ڈپٹی چیئرمین سینیٹ کن تینا تہنیتی کلہو اٹی پارے کہ سینیٹ نا چیئرمین و ڈپٹی چیئرمین نا گچین کاری جمہوری عمل نا چرجوئی ءِ، اومیت ءِ کہ نم آئین نا سربلندی و ملکی شونداری کن تینا کڑد ءِ ادا کیرے۔ وزیراعظم اومیت ظاہر کرے کہ نم السی راجی آسودہی و ملکی شونداری و شونہالی کن گچین کانود سازی ٹی پبی کڑد ءِ اداکیرے۔ اوپارے کہ بنجائی اکائی تا سوگوی و جمہوری قدر انا پاسداری کن سینیٹ نا کڑد بھاز اہمیت تخک۔
